Апрель мучаш марте тӱлат

Кугу Сеҥымашлан 75 ий темме вашеш Кугу Ачамланде сарын ветеранже, тылын труженикше, сарыште колышо участник-влакын ешыштлан федерал да региональный бюджет гыч единовременный окса полышым тений апрель мучаш марте тӱлат.

Кугу Ачамланде сарын ветеранже, инвалидше-влак 75 000 теҥгем (50 000 тӱжемже федерал, 25 000 тӱжемже региональный бюджет гыч) налыт. Тылын 19 743 труженикше, сарын участникше ден инвалид-влакын 7715 тулык ватыштлан федерал бюджет гыч 50 000 тӱжем теҥгем тӱлаш палемдыме. Сеҥымаш кече вашеш ветеран-влаклан окса полыш семын республика бюджет гыч чумыржо 212 миллион теҥгем ойырат.

Л. ШАВАЛИЕВА.