Тукымвож пайрем

Шукерте огыл школыштына тукымвожым шымлыме пашам иктешлыме шотан пайремым эртарышна. Чыла материалым иктыш чумыраш, моторын сӧрастарен, йолташ-влак ончылно каласкалаш ямдылаш шуко жап кӱлын. Тиде пашам Монар школышто марий йылмым туныктышо А.С. Ибаева да школ директорын туныктымо паша шотышто алмаштышыже Е.Е. Зайнашева сайын организоватленыт. Йоча-влаклан мӧҥгыштышт ача-ава ден коча-кова-влакат полшеныт.