Янлыкым, кайыкым шотлат

«Экологическое благополучие» нацпроект почеш шуктымо сомыл 15 март марте шуйна да кундемысе янлык ден кайык популяций нерген улшо уверым рашемдаш, пӱртӱс поянлыкым аралыме, шот дене кучылтмо йодышым саемдаш полша. «Зимний маршрутный учет» йӧн дене специалист-влак шордын, сибирский косульын, тамган пӱчын, ир сӧснан, пирын, шурмаҥшын, рывыжын, луйын, йосын, урын, мераҥын, музын, кӱдырын, сузын чотыштым шымлат. Кодший пӱртӱсым аралыше пашаеҥ-влак 629181 янлык ден кайыкым шотленыт: кайык коклаште эн шуко кӱдырым (198208), кӱчан янлык коклаште эн шуко шордым (36209), сибирский косульым (34826), коваштылык янлык коклаште эн шуко мераҥым (28194) верештыныт, увертара БР Правительство.