-30 °С
Пылан
Все новости
НАЦИОНАЛЬНЫЙ ПРОЕКТ
20 Сорла 2025, 13:15
БПЛА-м ыштыме технологий - эн сай
Москвасе «Сколково» инноваций комплексыште эртарыме «Беспилотные системы: технологии будущего» икымше тӱнямбал форумышто Башкирийыште ыштен лукмо пилотдымо чоҥештылше аппарат да двигатель-влак дене палдареныт.
«Сколково» комплексын площадкыштыже Башкортостанын пилотдымо чоҥештылше аппаратше-влак. БР Вуйлыкын соцлаштыкше гыч налме фото-влак.
Тушко производитель-влак элын 76 регионжо гыч чумыргеныт. «Уфимец» компаний регионын стендыштыже шкенжын сатужым - «Уфимец-150» пилотдымо авиаций системым, «Уфимец» fpv-дроным, 6 тӱрлӧ модификациян электродвигатель-влакым - ончыктен. Тидын нерген Башкортостан Вуйлык Радий Хабиров увертарен. Республикын командыжым элын субъектше-влакын единый рейтингыштыже Гран-при дене палемденыт, тудо тыгак «Архипелаг-2025» проектно-образовательный интенсивыште «БАС на смену традиций» деловой модмаште сеҥышыш лектын.
«Сай паша лектышым тыгак талант-влакым шуарыме «Аврора» рӱдер гыч рвезе-влак да Уфасе радиоэлектроника колледжын студентше-влак ончыктеныт. Нуно шке номинацийлаштышт эн сай лийыныт. Пилотдымо чоҥештылше аппарат-влак таче, тыныс илышыштат, тӱрлӧ областьлаште кӱлешан улыт. Пилотдымо авиацийым вияҥдыме шотышто Башкортостан элын ик рӱдерже лийын кертеш», - каласен Радий Хабиров.
Новости партнеров