Кӱварым олмыктат

Кызыт тушто площадка-влакым ямдылат, корнысо знак-влакым шогалтылыт. 

Дӧртыльӧ - Нефтекамск корнышто, Дӧртыльӧ ден Новобиктово коклаште верланыше кӱварым 1990-ше ийыште чоҥымо. Республикын транспорт да корно озанлык министрже Любовь Минакован палемдымыж почеш, тушеч кажне кечын 4 тӱжем автомашина эрта. Лӱдыкшыдымын кошташ лийже манын, «Инфраструктура для жизни» нацпроект почеш кӱварын кӱртньӧ конструкцийлаштыже коррозийым эрыкташ, меҥгыже-влакым пеҥгыдемдаш, гидроизоляцийым, кучем-влакым алмашташ да моло пашам шукташ палемдыме.

Кӱварым олмыктымо жапыште автомобилист-влак ик велысе корныж дене гына кошташ тӱҥалыт, палдара «Башинформ».