Тидын нерген шке телеграмм-каналыштыже Республика Вуйлыкын администрацийжым вуйлатыше Максим Забелин увертарен. «Российын наука да кӱшыл образований министрже Валерий Фальков дене вашлиймаште тиде проектым финансироватлыме шотышто соглашенийым пеҥгыдемдышна. Проектыш 20 миллиард инвестицийым пыштыме лиеш, тушеч 60 процентше - федерал шийвундо. Кызыт проектын Россий Правительствыште экспертизым эртымыжым вучена. 2023 ийыште республика кампусым проектироватлыме да чоҥымо сомылым тӱҥалеш», - рашемден тудо.