Нацпроект-влаклан - 11,8 миллион теҥге

Тушто муниципальный кӱкшытыштӧ нацпроект-влакым илышыш шыҥдарыме нерген каҥашеныт. «Тачысе кечылан нацпроект-влакын чумыр финансированийышт гыч верысе бюджет-влаклан 28 процентше логалеш. Тиде 41,9 миллиард гыч 11,8 миллиард теҥге шийвундо. Кугу ужашыже объектым чоҥымо, ачалыме сомыллан, реконструкцийлан, общественный кумдыкым тӱзаташ кучылталтеш. Муниципалитетласе капитально ачалыме 25 объект гыч 10 объектшым тений мучашлыман. Тылеч посна муниципалитет-влаклан 126 общественный верым тӱзатыман, тыгак изи олалаште да исторический поселенийлаште илаш йӧнан средам ыштыме шотышто IV да V Всероссийский конкурсышто сеҥыше-влакын проектыштым илышыш шыҥдарыман», - палемден Андрей Назаров. Тыгак тений 90 утла процент бюджет шийвундым муниципалитетлаште «Жилье и городская среда» ден «Безопасные качественные дороги» нацпроект-влак почеш пашам шукташ ойырымо.