Нине проект-влакым 2023-2024 ийлаште илышыш шыҥдараш тӱҥалыт. Тидлан ныл олалан федерал казна гыч чумыржо 335 миллион теҥге оксам ойырат. Оласе рӱдӧ паркым тӱзаташ «Сердце города Ишимбая - возрождение Центрального парка» проект дене Ишимбай ола 95 миллион теҥгем налеш. Янаул олаште «Культура малого города: активация центра Янаула» проект почеш налме 85 миллион теҥгем олан рӱдыжым саемдаш кучылтыт. Агидель олан сеҥышыш лекше «От истоков к современности - возрождение староречья Апаиш» проектше 70 миллион теҥгем, а Дӧртыльӧ ола «Дюртюли. Речные ворота Башкортостана» проектшылан 85 миллион теҥгем налеш, увертара БР Жилищно-коммунальный озанлык министерство.