Все новости

Йырысе кумдыкым тӱзатымылан тӱткышым ойырат

«Жилье и городская среда» нацпроектлан эҥертен, тений Башкортостаныште 126 общественный кумдыкым тӱзаташ палемдыме.

Йырысе кумдыкым тӱзатымылан тӱткышым ойырат
Йырысе кумдыкым тӱзатымылан тӱткышым ойырат

Тидын нерген Республикым вуйлатыме рӱдерыште Жилищно-коммунальный озанлык министрын пашажым шуктышо Алан Марзаев увертарен. Тылеч посна, 2021 ийыште илаш йӧнан йырвелым ыштыме шотышто Всероссийский конкурсышто сеҥыше куд олан проектшым илышыш шыҥдараш пунчалме. Кодший тиде конкурсыш Башкортостан Республика гыч кандаш йодмашым пуэныт. Тушеч куд проектшылан кугыжаныш полышым ойырат. 

2021 ийыште йырысе кумдыкым тӱзатыме шотышто Всероссийский конкурсышто Белебей олан  «Квартал тюремного замка», Туймаза олан «Стержень города: проспект Ленина» проектше, Кумертау олан «Шкала времени: система общественных пространств», Бирск олан «Улица мастеров - благоустройство центральной улицы города», Межгорье олан «Раскрывая горизонты» да Стерлитамак олан «Соляная пристань. Благоустройство набережной реки Ашкадар» проектышт сеҥышыш лектыныт. Конкурсыш Российын тӱрлӧ кундемлаж гыч чумыржо 300 утла йодмаш пурен, увертара «Башинформ» ИА.

Автор:Людмила Шавалиева
Читайте нас: