Все новости

Йот эл дене вашкылым ыштат

Башкортостан Республикысе Внешнеэкономический вашкыл шотышто кугыжаныш комитет, Экспортлан вияҥаш йӧным ыштыше рӱдер, Башкортостанын Австрийысе представительствыже Швейцарий дене бизнес пашам пырля виктарыме шотышто онлайн-погынымашым эртареныт. Тушто видеоконференцсвязь йӧн дене «Ричман-Минерал» ООО ден LANDOR швейцар компаний вашлийыныт. Башкир компанийын вуйлатышыже Ильшат Байзигитов йот элысе партнер-влакым башкир предприятий дене палдарен да «Эко Калий» гранулан хлордымо минерал удобрений нерген каласкален.

Кок кундемын бизнес пашаеҥже-влак ончыкылыклан пашам пырля виктарашлан минерал удобренийым Швейцарийыш образец семын колтымо нерген кутырен келшеныт. Кундемысе изи да кокла бизнесын пашаеҥже-влак йот элыште бизнес-партнерым кычалме, нунын дене паша вашлиймашым онлайн йӧн дене эртарыме шотышто Башкортостан Республикын Экспортлан вияҥаш йӧным ыштыше рӱдерыштыже тугок полышым налын кертыт. Лекше йодышым +7 (347) 246-68-16 номеран телефон дене рашемдаш лиеш, увертара Башкортостан Республикысе Внешнеэкономический вашкыл шотышто кугыжаныш комитетын пресс-службыжо.
Читайте нас в