Талын куржталыт

Апрель мучаште Нефтекамск олаште куштылго атлетика дене «Подснежник - 2019» спорт таҥасымаш эртен. Тудын дене оласе легкоатлет-влак ий еда спорт тургымыштым почыт.

Спорт дене пеҥгыде кылым кучышо ӱдыр-рвезе-влак Тазалык йолгорнышто ныл, кандаш да латкок километрыш куржыныт. Молгунамсе семынак, таҥасымаш деч оласе колледж, техникумлаште тунемше марий студент-влакат ӧрдыжеш кодын огытыл. Машиностроительный колледжын студентше Владислав Яндыганов тиде ганат сеҥыше радамыш логалын - ныл километрыш куржмаште (1996-2001 ийла) кокымшо верым налын (Ныл километрыш 1996-2008 ийлаште да варарак шочшо ӱдыр-рвезе-влак куржыныт.). Владислав тений НМК-н нылымше курсыштыжо тунемеш, пожар лӱдыкшыдымылык пашаеҥ лияш ямдылалтеш. Владиславын йолташыже - тиде колледжынак студентше

Е. Хусаинов кумшо куржын толын. Икымше верым тиде тӱшкаште Бирск район Кужнур ял гыч таҥасаш толшо Алексей Ямбаев сеҥен налын. Владислав Яндугановым кызыт таҥасымаш-влаклан тренер В.П. Кокин ямдыла. А шочмо Мишкан районышто тунеммыж годым спортышто сай лектышыш шуаш уста тренер Ю.Б. Айгузин полшен. Мут толмашеш, Юрий Байгузинович тиде таҥасымашыш кызытсе воспитанникше-влакым конден. Нунат призер радамыш логалыныт. 2002-2003 ийлаште шочшо-влак коклаште Александр Ямбаев икымше, ӱдыр-влак коклаште Анастасия Сайфутдинова кумшо, 2004-2005 ийлаште шочшо-влак коклаште Георгий Асмаев кокымшо верым налыныт. Юрий Байгузинович шкежат 12 километр дистанцийыште таҥасен (витле ий деч кугурак ийготан-влак тӱшка) да кокымшо куржын толын.

НМК-н официальный сайтше гыч налме фото.

В.В.Путин

«На чемпионатах побеждают, конечно, единицы. Но прочный фундамент их успехов — это массовый спорт. Вовлечение в спортивную жизнь наших граждан с самого раннего детства — это одна из ключевых задач, которая стоит перед нами».

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».