Тудо воза: «Кугу Сарыште вуйжым пыштыше ачамым тойымо Курск областьысе Сетное ялыш коштын савырнаш тарваненам. Тиде верым, мемориал памятникым, музей-влакым эн изи ӱдырем да тудын кум икшывыжлан ончыктынем. 24 июньышто (Серышым ончыч возен. - ред.) Людмила Акузинан (Иманован) шочмыжлан 90 ий темеш, Нуриман районысо Тошто Педий школышто туныктышылан пашам ыштен. Ме тудын дене 1948-1952 ийлаште Эльянысе педучилищыште тунеммына, кызыт пеш шагал кодынна. Людмила Имановнам уло кумыл дене 90 ияш йыргешке лӱмгечыже дене саламлена! Ончыкыжымат тазалыкым, кужу ӱмырым тыланена. Пырля тунемме йолташыже-влак Дмитрий Яметов (Козаш, Мишкан район), Минлигарей Кибатов (Набережные Челны ола), Миншакир Минилкаев (Балтач район).»