Теле пайрем-влакым да каникулым шыргыжал шарналтена

У ий пайрем ден теле каникул вашке гына эртен кайышт. Тиде пайремым тений уремыште эртарышна. Лум шагал ыле гынат, ик кече урок деч вара поген ситарышт да эрлашыжым кылмыше лум гыч Йӱштӧ Кугыза ден Лумӱдырым ыштен шогалтышт, чиялтышаш веле кодо. Школ оралтыште кушшо изирак мотор кожеш йоча-влак мӧҥгыштышт ыштыме модыш-влакым конден сакалышт. Вара кажне переменыште модышыштым куанен ончышт.

Пайремат тиде кож воктенак эртыш. Тунемше-влак тӱрлӧ модыш дене модыч, мурышт, почеламутым ойлышт. Чыланат Йӱштӧ Кугыза деч пӧлекым нальыч, йывыртен, мӧҥгӧ вашкышт.

Арня мучко школ тӱрлӧ мероприятий-влакым эртарыш. Ик кече ече дене чодыраш коштын тольыч. Тӱҥалтыш классыште тунемше-влак кок кече школ воктен тӱрлӧ модыш дене модыч. Йоча-влак виртуальный экскурсий дене Эрмитажыш «мийышт». Клуб воктене ава-ача-влак дене пырля «Весела старт» таҥасымашыш ушнышт. Модшо-влак пӱжалт пытышт. Ончаш толшо-влакат яра ышт шого.

Вес кечынже Шорыкйол гӱжлыш. Васли кугыза кастене шке ешыж дене уремыш пайремым эртараш лекте. Чыланат вургемым келыштарен чиеныт, нигӧм палаш ыш лий. Тыге ял калыкым Шорык-йол дене саламлышт. Кугурак тунемше-влак тиде пайремым сценарий почеш модын ончыктышт. Нунылан пайрем моткоч келшыш. Кайык нергенат ышт мондо. Нуным пукшаш кормушкым сакалышт, мӧҥгӧ гыч шӱраш пырчым конден шавышт. Ава-влак «Мыйын калык кочкышем» флешмобыш ушнышт. Нуно шуко тӱрлӧ кочышым ямдылышт. А 8-ше классыште тунемше Мария Илибаева перемечым ыштымыжым ончыктыш. Перемечше моткоч тамле ыле.

Теле каникул эртенат кайыш. Йоча-влак школыштат эртыше мероприятий-влак нерген кужу жап шыргыжал мутланышт.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».