Анна кокамын каласкалымыже

Тамакым шупшаш йӧреныт

Октябрь ялыште Анна кокам ила. Тудын «йомакше» шуко. Вашлийме годым илышыште лийше тӱрлӧ оҥай шомак-влакым, мыскарам ойла. Изи гына ойлымашланат сита.

Ик ялыште ава да ныл икшывыже иленыт. Кугурак эрге, ӱдыр да авашт идымыш кылтам кыраш каен. Кок изи эрге пӧртеш кодын. Нуно сурт сомылым шуктеныт - шкеак лашкам ыштеныт, шӱрым шолтеныт, шӧр гыч ӱмбалым погеныт. Паша гыч толшо-влаклан тамле шӱрым пукшынешт улмаш. Вара, мокым пыштен, тамакым пӱтыреныт. Тыге аваштым, акашт ден изаштым вашлийыныт. Тамакым пижыктымылан авашт моткоч шыдешкен, нуным ик гана воштыр денат лупшалын. Эрге-влак, кычкырен, оралте гыч лектын куржыныт.

Ик жап гыч мӧҥгӧ савырнен пӧртылыныт да монча ончыко миен шогалыныт. Теҥгече пурымо мончашт шокшо лийын, но пураш лӱдыныт - трук иктаж-кӧ петырен кода. Кылменыт гынат, чытеныт. Ик жап гыч акашт лектын да каласен: «Тамакым пижыктымыланда авай пеш чот шыдешкен. Шӱрымат ынышт коч мане. Мыняре кодмыжым чыра дене висен. Селдра ӱмбаке пурен вочса. Тушто шокшо, ыреда, маледа.

А молан тамакым пӱтырышда?» «Авана мемнам мокталта манын шонышна. Сомылымат ыштеныт, кочкашат шолтеныт, тугеже эргым-влак кугемыныт - тамакымат шупшаш йӧреныт», - вашештат эрге-влак. Теве тыгай йочан уш-акыл. Эрлашыжым кугурак-влак пашаш каеныт, эрге-влак пӧртеш кодыныт. Тугак сурт сомылым ыштеныт, кочкаш шолтеныт.

Авашт икшывыже-влакым йӧратен куштен, пашалан, порылан гына туныктен. Икшыве-влак кугем шуыныт. Патыр, мут колыштшан, уш-акылан, пашам йӧратыше айдеме лийыныт. Кум эрге ик ганат тамакым шупшын огыл.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».