-1 °С
Пылан
Все новости
Мыланна возат
25 Апрель 2020, 17:35
Мыскара такмак-влак
Уржа шуын, уржа шуын,Тӱредашат жап шуын.Толмыжланат шукат ок лий,Ойырлашат жап шуын.
Эр кечыже легылда гын,
Шудышто лупс кошкалеш.
Йӧраталмем кӱдылнем гын,
Ойгем чыла мондалтеш.
Тӧргым воктен саска шуко,
Ал-гӱл саска пеш мотор.
Мемнан ялыште рвезе шуко,
Мыйын таҥем эн мотор.
Тӧргым вӱдна пешак тамле,
Чай олмешат йӱына.
Пӱнчер ялна пешак ямле,
Вычыл-вычыл илена.
Айда, йолташ, таҥ тошкалын,
Урем дене эртена.
Айда, йолташ, ваш келшалын,
Ӱмырнам эртарена.
Изи пием, ит опто,
Толшо еҥым лӱдыктет.
Йолташ, мыйым ит кудалте,
Шӱмемым корштыктарет.
Новости партнеров