Куржеш ийгот, йолташым шарныктен…

Мый Мишкан селаш шочын-кушкынам, но йоча да самырык жапем У Памаш ялеш эртен.

Изиэм годым ялыштына 96 сурт ыле. Шуко ешыште вич-куд але шым-кандаш икшыве дене кушкыныт, садлан школышто кок смена дене тунемынна.

Йоча годым, кунам кечым вашлият, тунемаш коштат, мӧрым, ломбыгичкым погаш пырля куржталат, нимогаят огеш чуч, а ойырлен-шаланен пытымек, изи шӱм икте-весым кычалаш тӱҥалеш. Кузе илат, мом ыштат манын шонет.

Изи годсо йолташем-влак, школыш тунемаш коштмо жапдам шарнеда мо? Ынде чылан гаяк коча-кова, южыда кугезе коча-кова улыда. 2019 ийыште 70 ияш лийыда. Тиде А. Баймуллина, А. Баюршина, Л. Баязова, Т. Мусалин,

Л. Исаева, З. Пашкина, С. Семенова, В. Осиев, С. Ямаев, Г. Япаев, Л. Яшкина, А. Яшмурзина. Чыладамат юбилейда дене саламлем, илышыштыда пеҥгыде тазалыкым, кужу ӱмырым, вуй ӱмбалныда волгыдо кечым тыланем. Коштмаштыда корнан лийза.

Рвезе ӱмыр эртен кайымым

Тӧрза гыч ужам ыле.

Эртен кайыме корнешыже

Чаракым шындем ыле.

Йолташем-влак, ийготна куржеш, но мый чылаланда икте-весынам шарнен илаш тыланем.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».