Тура курыкет

Тиде кодшо курымышто, Кугу Ачамланде сар кайыме жапыште, лийын. Пектыш ял гыч шоҥго кугыза ден куваже йӧсӧ да нужна илышлан кӧра, изорвам шӱдырен, Янахматыш пареҥгым кычал ошкылыныт. Пиалешышт, пареҥгым муыныт. Савырнен пӧртылмышт годым Янахмат ден Акпарс кокласе чодыраште верланыше тура курык дек миен шуыныт. Тиде курык, чынак, шонкалаш таратыше лийын. Курыкым эртыше кажне еҥ эре «Сайын кӱзен-волен кертына гын?» манын шонен. Шоҥго-влакат, пареҥге мешакыштым изорва дене шӱдырен, лач тудо курык воктек миен шуыныт да мутланаш тӱҥалыныт.

- Павай, тый мый дечем виянрак улат, пеҥгыдын кучо.

- Ӓвий, тыйынат виет шагал огыл. Тый пӧртыштӧ кочкын гына киет.

- Павай, тый вет кудывечысе чыла сомылым виктарет, эреак южышто коштатат, витарен кочкат. Вий тый денет ынде, - манын гына шуктен, изорва, кид гыч мучыштен, тура корно дене писын ӱлыкӧ кудалын. Ситыдымыжлан кугу мешакышт рудалт каен, пареҥге-влак курык корно дене пӧрдын воленыт. Йӧра эше изорвашт шаланен огыл.

А. АСМАЕВ.