Рӱдолашке унала

Май мучаште рӱдерын латкум воспитанникше лӱмын ойырымо автобус дене рӱдолашке унала тарваныш. Тушто нуным чынжымак весела да чонеш логалше пайрем вучен. Уфа оласе реабилитаций рӱдерын интерактивный площадкылаштыже кажне ӱдыр-рвезе шӱм-чонлан лишыл сомылым муын кертын: икте кидпаша мастарлыкшым шуарен, весе шӱргыш сылне аквагримым сӱретлен, чиялтен. Яндар южышто кап-кылым шуарашат йӧн лийын. Йоча-шамыч мече, боулинг дене уло кумылын модыныт, батутышто тӧрштылыныт, пикш дене лӱйкаленыт, куштеныт. Йоча-влак деке унала мийыше Уфа оласе «Pagan kings mc» мотоклубын байкерже-влак нунын кумылыштым эшеат нӧлталыныт, а мотоциклышкышт шинчын войзалташ моткоч оҥай чучын. Тиде весела пайремым Уфа оласе реабилитаций рӱдерын пашаеҥже да волонтер студент-влак ямдыленыт.

Сеҥыше-влакым палемдыме татым чон вургыжын вучышна. Нефтекамск оласе реабилитаций рӱдерын воспитанникше-влак А. Шуаровам «Эн креативный техника», Р. Шайхутдиновым, Р. Абраровым «Эн кугу еш» номинацийлаште сеҥымыштлан, А. Бакировым 2-шо степенян, А. Минникаевым 3-шо степенян диплом-влак дене палемдышт. Моло йоча-влакланат шарнаш кодшо пӧлекым кучыктышт. Рӱдоласе пайрем йоча-влаклан да нунын ава-ачаштлан чонешышт мотор шарнымашым коден.

О. ЗИНОВЬЕВА, Нефтекамск оласе начар тазалыкан йоча да вуеш шудымо икшыве-влаклан реабилитаций р¢дерын воспитательже.