«Кузе тыге мастарын ыштет?» манын йодмемлан «Кумылем лийын тыгай пашалан тунемаш. Йӱдвелыште пашам ыштымем годым тӱҥалтыш ошкыллан сварщик туныктен. Яра жап улмо годым эре воктенже ончен шогенам. Кызыт вет книгагудышто книгам лаштыклен шинчыме ок кӱл, социал лаштыкламат ончалам» манын вашештыш.
Чын, ышташ шонышо еҥ, кеч-могай йӧным кучылтын, шке шонымашышкыже шуын кертеш. Садлан иктаж-мом ышташ кумылда уло гын, тудым шукташ манын, кажне кечын ик ошкылым ончыко ыштеда гынат, шонымашкыда шуын кертыда.