Пеледыш кугыжаныште чӱчка поэзий кумыл

Тыште кажне кечын могай-гынат пеледыш одарланен пеледеш, шке сынже дене кумылым вӱчка, илаш, кажне татлан куанен мошташ тарата. Озавате кажне кушкылжым йӧратен ончен кушта, кажныжын лӱмжым пала. Кужу телымат, нуным ончен, вийым да алым погаш манын, фотоснимке-влакым ыштыл кода. А сӧрал пеледыш кугыжанышлан да йырым-йырысе пӱртӱслан кузе йывыртымыжым почеламут корныла гоч шижтара. 

 Мо уло - тудын ден илем: 

Эрден кынел, вашлийым кечым, 

Лупсеш йолем нӧртен, кол лийым, 

А чайым подылмек - мый ийым, 

Шке шонышем тораш вашлийым... 

Ом йод мый утым тиде эр деч, 

Мо чонышто - палем шке веле... 

Мардеж пуале гын эрвелым, 

Шижам, толеш пеледыш дене 

У шоныш... Куанен вашлийым...

*

Игече шыжышке тайнен, 

Кечат толеш кӱчыкемалтын, 

Туге гынат, ӱшандарен, 

Кеҥежын кече чот пелталын...

Ты жапын уло шкенжын там: 

Мӧр дене снеге шып шупшальыч тӱрвем. 

А эҥыж - ал, чияжымак йыген мо палын? 

Могай кеҥеж! Чонемлан - рай! 

Пеледыш-влак волгалт пеледыч! 

Садем гычын тораш шым кай, 

Канышемат тыштак эртальыч...

Эрден лупс шудым тошкалам, 

Емыжан вӱд деч налам алым. 

Мылам тыге келша, садлан 

Моктеммурем тыге возальым...

Пеш сылнын, чон вургыж возымо, Инесса Михайловна! Ончыкыжат чыла сомылда тыгак чаплын вораныже!