Все новости
9 мая - День Победы
29 Сӱрем 2022, 11:11

«Сеҥымаш диктантлан» ямдылалтыт

Башкортостаныште «Сеҥымаш диктантлан» ямдылалташ тӱҥалыныт. Тений тудым 3 сентябрьыште эртараш палемдыме.

«Сеҥымаш диктантлан» ямдылалтыт
«Сеҥымаш диктантлан» ямдылалтыт

Диктантым очно але акцийын официальный сайтыштыже онлайн возаш лиеш. 

Мемнан республикыште диктантым возымо 80 утла площадке лиеш. Моло ийласе семынак тушко самырык еҥ-влак чолган ушнат манын ӱшанат. Кодший диктантым индеш тӱжем еҥ возен.

Диктантлан йодышым Российысе исторический ушемын еҥже-влак ямдылат. 45 минутышто Кугу Ачамланде сар годсо событийла дене кылдалтше (событийлам жап шот дене радамлаш, полководецын мемуарыштыже могай событий нерген возымым, мурын лӱмжым палаш да молат) 25 йодышлан вашештыман. Ты акций шке элын историйжым келгынрак пален налаш да ончыкыжат шымлаш тарата, увертара «Башинформ».

Автор:Энна Губаева
Читайте нас: