Кугу Сеҥымашыш тӱрлӧ калык вийжым пыштен

Сентябрь мучаште республикысе Боевой Чап музейыште Кугу Сеҥымашлан 75 ий теммылан лӱмлалтше регион-влак кокласе «Интернациональный Сеҥымаш» тӱвыра да историй марафонын кудымшо йыжыҥже эртыш.

Вашлиймашке марий, одо, мордва, кряшен калык-влакын еҥышт миеныт ыле. Марий калыкын историй да тӱвыра поянлыкшым Мишкан район гыч мийыше делегаций - мый, Йоча да самырык-влаклан «Путник» туризм рӱдерын методистше А. Шамшитова, Янагуш ялысе Боевой да Паша Чап музейын методистше А. Загитов, райрӱдысӧ тӱвыра полатын солистше-влак С. Салиев ден О. Мусалина - ончыктышна. Мероприятийыш чумыргышо уна-влак, фронтовик-влакын портретыштым кучен, эн ондак Боевой Чап музей гыч тӱҥалын, Курымашлык тул марте торжественно ошкыл эртышт. Кугу сарыште илыш дене чеверласыше салтак-влаклан вуйым савен, Сеҥымаш паркыште пеледыш аршашым пыштышна.

Музейын фойештыже марий, мордва, удмурт да кряшен калыкын 1941-1945 ийлаште Кугу Ачамланде сарыште кредалмышт нерген тематика шотан выставкым ямдыленыт. Тушто сар годсо фото ден видеоматериалым ончалаш йӧн ыле. Айрат Загитов Мишкан район Совет Ушемын геройжо-влак, «Курымашлык полк» акций нерген выставкым сӧрастарен, тушко сар жап дене кылдалтше экспонат-влакым чумырен.

Вашлиймаште марий, удмурт, мордва да кряшен калык-влак посна йыжыҥлан шеледыме блокышто шке калыкыштын сеҥымашым лишемдыше геройышт-влак нерген каласкалышт. Выступленийым художественный номер-влак дене сӧрастарышт. Мый Мишкан район Эшым ялын шочшыжо, Совет Ушемын Геройжо И.И. Ишкининын Кугу Ачамланде сарыште кучедалмыж нерген каласкалышым. Марафонын участникше-влакым тудын илыш-корныжо, подвигше дене палдарышым. О. Мусалина ден С. Салиев вашлиймашке мийыше уна-влаклан сылне мурым пӧлеклышт.

Мероприятий сай кӱкшытыштӧ эртыш. Тыныс илыш верч кучедалше, шке илышын акше дене Кугу Сеҥымашым лишемдыше салтак-влакын подвигышт нерген ойлымым шинчавӱд деч посна колышташ ыш лий. Вашлиймаш мучаште «Интернациональный Сеҥымаш» марафонын участникше-влак чылан «Сеҥымаш кече» мурым йоҥгалтарышт. Эстафетым умбакыже азиат калык-влакын еҥже-влаклан кучыктышт.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».