Ӱдыр-влакат элым араленыт

Наталья Аркадьевна Щербакова (ӱдыр фамилийже - Шакирова) 1923 ий 10 ноябрьыште Калтаса район Тошто Орьямучаш ялеш шочын. 1941 ий гыч Калтаса рай-исполкомышто инструкторлан пашам ыштен. Калтасаште родо-шочшышт Мурзанаевмыт дене (Т.М. Мурзанаев 1938-1943 ийлаште райисполком председательлан ыштен) илен.

1942 ий апрельыште СССР-ын Оборона кугыжаныш комитетше ӱдырамаш-влакымат Йошкар Армий радамыш налаш тӱҥалме нерген пунчалым луктын. Тыгай разнарядкым чыла районыш колтеныт. Ӱдыр-влакым комсомол райком гоч погеныт. Калтаса район гыч Наталья Шакирова, Калегин гыч Наталья Новоселова да Келтей гыч эше ик ӱдыр сарыш пырля каеныт.

Нуным имне дене пристань марте наҥгаен коденыт да пароходыш шынденыт. Май тӱҥалтыште Уфаш миен шуыныт. Тиде жаплан комсомол ӱдыр-влакым кок эшелон дене Сталинград олаш колтен шуктеныт улмаш. Районла гыч варашрак кодын мийыше 30 ӱдырым Ульяновск олаш связь училищыш тунемаш колтеныт. Кум тылзе телеграфист-влакын курсыштышт тунеммек, Наталья Шакирова сентябрьыште Брянский фронтысо 102-шо полкыш логалын. СТ-35 аппаратын телеграфистше лийын. Ӱдыр-влак чодыраште палаткылаште иленыт. Командный пунктышто дежуритленыт, телеграмма-влакым наледеныт да воинский частьлаш колтылыныт.

Наталья Аркадьевналан Брянский фронтысо полит-управлений пеленсе политсостав курсым тунем лекме деч вара младший лейтенант званийым пуэныт, 319-ше посна зенитный артиллерийский дивизионыш комсорглан колтеныт. Тиде 1943 ийыште лийын. Ончыч нуно Казань ола деч тораште огыл верланыше Юдино станцийыште шогеныт. Сар корныжо Бердичев, вара Молдавийысе Бендеры, Венгрийысе Байя олала гоч шуйнен да Югославийысе Суботица олаште мучашлалтын. Нуно ола да военный объектлам тушман авиаций деч араленыт.

1945 ий августышто Наталья Аркадьевна Уфашке пӧртылын, уэш комсомол пашашке ушнен. Энергетик-влакын ремесленный училищыштышт комсорглан, вара Молотовский комсомол райкомышто инструкторлан ыштен. Кастенысе школышто луымшо классым отличий дене тунем пытарен. Тудын умбакыжат тунеммыже, элым ончалмыже шуын. Алма-Ата олаште илыше пырля служитлыме Вера Лукьянова дене пырля Киров лӱмеш Казахский кугыжаныш университетысе логика, психологий да руш йылме пӧлкаш тунемаш пуреныт.

Университетым тунем лекмеке, Николо-Березовка пед-училищыште руш йылмым да литературым туныктен. Училищым вес вере кусарыме деч вара Уфаш пӧртылын. 1959 ий гыч тӱҥалын, 19 ий Уфасе кӱртньыгорно транспорт техникумышто туныктен.

Кызыт Н.А. Щербакова Уфаште эргыже Сергей Витальевич (психологий наука кандидат) да шешкыже Роза Габдулловна дене пырля ила.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».