Мыланнат палыман

Кугу Ачамланде сар нерген мый ковамын ойлымыж гыч гына палем. Мемнан Лапкашор ял гыч 66 еҥ фронтыш каен, а пӧртылын 22-шо веле. Мыйын кугезе кочам Зайнетдин Сайфутдинов сар тӱҥалтыштак элнам тушман деч аралаш каен, пехотышто служитлен. Икана окруженийыш логалыныт, нунын взвод гыч чонан кодшо чыла салтакым пленыш налыныт. Мыйын кочамат логалын. Рушла умылымыжым шижтарен огыл, пуйто «да», «нет» мут-влакым гына ойлен моштен, но чыла колыштын да мо ышталтмым эскерен коштын. Кугезе кочамым ял гыч улмыжым пален налмеке, имне ончаш шогалтеныт. Тудо эре имне дене кугу начальникым кондыштарен.

Икана тыге лийын. Немыч офицер шкетынак, ужатыше деч посна вес дивизийыш пеш кӱлешан документ-влакым наҥгаяш лектын. А кугезе кочам шинчын коштмо олмыжо йымалне кӱртньӧ моклакам кондыштарен. Йӧным муын, офицерым вуй гыч перен аҥыртен да шкенан-влак деке налын конден. Тыге пленыш логалме титакшым касарен да, война пытымеш, передовойышто тушман ваштареш кредалын.

Элнам лӱдде аралымыжлан тудым Йошкар шӱдыр, Отечественный сар орденла, Георгий Жуков да моло медаль дене наградитленыт. Тачысе кечылан кугезе кочам пеленна уке гынат, ме тудым порын шарнен илена.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».