Йӧратыме кувавам лӱмгечыжым палемда

Мыйын кувавам Меҥас Илибаевалан индешле ий темеш. Тудо 1930 ийыште Караидель районысо Чабык ялеш шочын. Куд икшыван ешыште кумшо йоча кушкын. Ачаже шоҥго лийын, армийыш пашам ышташ наҥгаеныт. Сар чарнымеш пӧртылын огыл. Чыла сомыл ава дене икшыве-влаклан логалын. Изи йоча-влак пӧртыштӧ кодыныт, а молышт кече лекме дене колхоз пашаште тыршеныт.

Сар тӱҥалме годым кувавамлан латик ий лийын. Тудо, ныл классым тунем лекмеке, колхоз пашашке ушнен. Кушкын толшо йочалан тӱрлӧ пашам ышташ верештын. Поген налме шурным колхоз сарыш колтен, кочкашлан шагал коден. Сар годым нигӧ шер теммеш кочкын огыл. Изиш ложашым пуэныт гын, тудым шолшо вӱдеш пудыратеныт, могай гынат шудым ешареныт. Колхоз изи йоча-влакымат пукшен. Кувавам вынер тувырым чиен, йолешыже йыдалым пидын, кеҥежым чарайолын коштын. Ачаж деч серыш-влак толеденыт, аваже кечын пӧртылмыжым вучен. Изи ӱдыр сорла дене уржам тӱредын, шудым поген, вольыкым ончен да моло пашамат шуктен…

…Меҥас Ӱткӱстӧ ялыш Аплай Илибаевлан марлан толын. Пелашыж дене шым икшывым ончен куштеныт.

Шуко уныкан кувавам поро чонан, чылаштым йӧрата. Кызыт шоҥго ӱдырамаш изи эргыж дене ила. Эргыжын ныл йочаже уло, мый - кокымшо. Кувавам тений йыргешке лӱмгечыжым палемда. Шочмо кечыжым элын пайремже дене ик ийыште эртара. Меҥас ковам сар годымсо пашан ветеранже улеш - тудлан юбилейный медальым пуышт. Йӧратыме кувавамлан тазалыкым тыланем.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».