Серышыжым ӱмыр мучко саклен

Тиде кечылаште Сталинград кредалмаште немыч вой-скам сеҥымылан 77 ий теме. Мемнан ял гыч тушто Менолла Исангулович Исангулов кредалын. Тудо 1914 ийыште Янаул районысо Атлегач ялеш шочын. Янаул РВК 1941 ий 25 июлеш рядовой шотеш Кугу Ачамланде сарыш призыватлен.

Менолла Исангуловичын 1942 ий 8 мартыште пелашыже Кӱлбестан Ибатовалан марла возымо серышыже аралалт кодын. Тудын дене лудшо-влакымат палдарыме шуэш (Мут-влакым, умылаш лийже манын, кызытсе орфографийлан келыштарен возымо. Южо верым рашемден кертын огынал. - Ред.).

1942 ий 8-ше март.

Сай-эсен улыда, ачай, авай да вигенат. Колтем вигесландат пеш сагынен саргаен шуко коч шуко саламым. Ынде шкемын илышем серем. Минь кызыт эсен улам. Сталинград ола гыч 80 уштыш пелне улына. Узак она лий. Апрелеш фронтыш пурена дыр. Кочкаш алама. Суткаш кок гана гына пукшат, шӱрыжат вӱд гына. … землянкыште илымаш начар, алама. Тылзылан пӧрык мончаш пурена. Могырышто кандаш йолан-влакат шуко. … тендан деч язум налаш ыш лий. Могане илышдам шинчаш олий. Ялыште пӧръеҥ-влак каен пытышт дыр. Язум серыза, тендан илышдам пеш шинчымем шуэш. Кызытеш чеверын вигенат.

Чаманаш логалеш, ешыжлан Менолла Исангуловын 1943 ийыште увер деч посна йоммыж нерген увер толын. Кӱлбестан пелашыже тудын деч йочам вучен, но эреак ойгырымылан да неле пашам ыштымылан кӧра йочаже колышо шочын. Ӱдырамаш пелашыжым лу ий вучен, вара сар гыч пӧртылшӧ Яныбай Сакриевлан марлан лектын, но тиде серышым да йӧратыме икымше пелашыжын фотокартычкыжым ӱмыржӧ мучко саклен (Ош тӱня гыч кайымыжлан кум ий лиеш).

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».