«Идалыкын янлыкше» конкурс. Йомак умбак, мый тембак!

Тиде жапыштак чодыра велым  мераҥын кышаж почеш  йышт гына чоя рывыж толеш улмаш. «Эх, Мераҥын идалыкшым чапле  мераҥ сий денак вашлиям», - шона рывыж. Тыге шоналтен гына шуктыш, ала-кушеч кугу йӱкан пий ваштарешыже тӧрштен лекте да ырлаш тӱҥале. Рывыж ден пий мераҥым тавалаш тӱҥалыт. А лӱдын чытырыше мераҥет шижынат ыш шукто, кузе чодыра тӱрышкат кудал утлен да тачысе кече мартеат шужен коштеш. Но  пеш  чот йӧсӧ жапыште  мераҥ, кочкышым кычалын,  йӱдым ялысе садвечыш  лектеш. Тидын годым тудо эре кугу йӱкан пий деч шеклана да, чоя рывыж почеш ынже тол манын, кышажым эре луген кодаш тырша.