Тек шӱм-чонетым эреак кече ырыкта

Ава - могае ныжылге шомак.

Ава - эн первый ойлымо мутем…

Ме тиде мутым эреак шыман

Каласена, чон кумылнам пыштен.

Ава шӱм-чон ок йӱкшö нигунам,

Эреак шошо семын пеледеш.

Да кече гае шокшыж ден мемнам -

Кеч-куш она кай - порын леведеш.

Мыйын авамын лӱмжӧ Ольга. Авам Калтаса районысо Тошто Яш ялеш шочын кушкын. Ешыштыже визымше йоча улеш. Ачам ден пошкудо Актуган ялыште вашлийыныт. Пырля кум икшывым ончен куштеныт.

Авамым шушаш пайрем - Аван кечыже дене - саламлынем. Пеҥгыде тазалыкым, кужу ӱмырым тыланем. Илышет муро гае йоҥгыдо, кече гае волгыдо, вурс гае пеҥгыде, пеледыш гае эреак сӧрал, памаш вӱд гай яндар лийже. Тек шӱм-чонетым эреак кече ырыкта, ласкалык дене илыш вийым пуэн шога.