Пиал дене иле йывыртен!

Ава муро гае, ава лыве гае,

Аван шӱмжӧ кече дечат шокшырак.

Кажне еҥлан шкенжын аваже эн шерге, поро да пагалыме.  Мыят авамым пагалем да пеш чот йӧратем. Мыйын авам - Надежда Николаевна Кибаева. Тудо 1956 ий  23 февральыште  Мишкан районысо  Ардаш ялеш шочын. Авам ӱмыржӧ мучко кевытыште пашам ыштен.  Кызыт тудо сулен налме канышыште улеш. Мемнан авана поро чонан, ныжыл кумылан, чылалан уста. Мыланна тый, авай, улат илыш-кече. 

Поро, ныжыл, шерге авайна, 

Уло чон дене тыйым йӧратена.

Кужу ӱмырым, тазалыкым тыланена.

Шӱм гыч лекше таум ойлена,

Мланде марте вуйым савена.

Икшывет, уныкат-влаклан куанен,

Пиал дене иле йывыртен.