Авай! Могай кугу пиал!

Авай! Могай кугу пиал!

Вет мыйже ӱдырет улам.

Йӱдат, кечат, касат шагал

Лияш эре пырля мылам.

Палем, кеч лийын чылажат

Мемнан коклаште южгунам -

Ӧпке, куан ден ойгыжат ...

Чыла тый тидым монденат.

Мылам тый неле, йӧсӧ годым

Ушан йолташ, сандалык лийынат ...

Мыняр тунам ометше кодын,

Чыла йодмемым шуктенат.

Уке тӱняште тыйын гай,

Эн шерге, лишыл мыланем.

Тый лий таза, мотор, авай!

Моткочак тыйым йӧратем!