Авана - эн шерге, эн лишыл, эн поро айдеме

 «Ава» деч шерге мут тӱняште уло мо? Уке, очыни, вет кажне айдемылан илышым ава пӧлекла. Тидланак, авам моктен, поэт, писатель, композитор, мурызо-влак чапле деч чапле почеламутым, оҥай ойлымашым, повестьым, сылне деч сылне мурым возат. Кажне айдеме, «ава» шомакым колын, шинчаончылныжо шке йöратыме аважын чурийжым ужеш, шыма йӱкшым колеш. 

Тӱняште кажне айдемын шке шочмо аваже уло. Мыйын авам Олина Андреевна Микаева. Тудо мыланна эн чот шерге, эн лишыл, эн поро.  Аван шӱмжö кече гай ырыкта.   Мемнам тудо эре чамана, мемнан верч азаплана. Ава кечыйол гаяк шокшо кумылан, канде кава гаяк волгыдо шинчан улеш. Туддеч мотор нигöат уке.