Ончал колта - чонет шула

«Кеҥеж гай мотор» конкурснам мучашлышна. Ынде ямдылыме сюрпризнамат почаш лиеш. Конкурсын условийыштыже ончыктымо почеш, эн шуко йӱкым погышо лу ӱдырым ойырен налын, нунын коклаште газетнан сайтыштыже посна йӱклымашым эртарышна.

Ӱдыр-влак чылан мотор улыт, кеҥеж тематикылан келшыше сюжетан фотоснимкылам колтеныт. Конешне, тӱҥ шотышто телефон дене ыштымым, садлан фото-влакын качествыштым шотыш ышна нал.

«Кӧ эн шуко йӱкым пога, тудым сеҥышылан шотлена» манынна ыле. Рашемденрак каласаш гын, кӧн палымыже, йолташыже, родо-шочшыжо-влак Интернет лаштыкыште «шинченыт» да уэш-пачаш йӱдшӧ-кечыже йӱкленыт, тудо ончыко лектын. Тидым участник-влак шкештат умылышт, садлан тыште эн тале Интернет-команде сеҥен манашат лиеш. Йӱклымӧ почеш сеҥыше фотосӱретын озаже - Мишкан район Тошто Эшым ялын изи ӱдыржӧ Карина Киликаева. Тудо кумшо классым тунем пытарен.

А сюрпризше кушто, шонеда? Чылан кеҥеж гай мотор улыт. А ме эн моторжым ойырен налаш конкурсым увертарыме гычак эскерен шогышо шкешотан жюрим чумыренна ыле. Тушко редакций пашаеҥ-влак деч посна лудшо-влак кокла гыч эскерыше-влакым ушенна, нунын темлымыштым да газетын соцсетьысе лаштыкышкыже возышо-влакын ойыштым шотыш налынна. Тыге тӱшка мер каҥаш дене пырля кеҥеж ӱдыр-влак гыч эн моторжым ойырен нална. Тиде - Мишкан район Пӧкленде ял гыч Настя Миксонова, тудо БГУ-н Бирск оласе филиалыштыже тунемеш. Мотор ӱдыр дене вашлийын, профессиональный фотосессийым эртарышна, фотоснимкыжым икымше лаштыкыште ончалын кертыда. Тыгеракын, конкурсышто кок сеҥышына уло: иктыже - йӱклымӧ почеш, весыжым жюри ойырен. Нуным саламлыме да пӧлекым кучыктымо йӱлам огына пужо. Тидым ме молгунамсылак шыжым Нефтекамскыште эртарыме Регион-влак кокласе марий тӱвыра фестивальыште ыштена. Ты кугу пайремышке кажне ийынат конкурслаште сеҥыше, газетын чолга авторжо, мер да тӱвыра пашашке, шочмо йылмым вияҥдымашке надырым пыштыше-влакым ӱжына да тушто уло кумылын саламлена. Но тиддеч ончыч мотор ӱдыр-влакым кеҥежым эше ик тергымаш вуча: нуным «Шочмо кундем - шӱм-чон тазалыкна» велопробегыш ушаш сӧренна ыле. «Шудым солен от мошто гын, мӧҥгеш конден кодена!» - тыге мурат сӱан вате-влак. Но ме тыге огына ыште. Велосипед дене кудалышт огыт мошто гынат, садак пӧлекым кучыктена.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Об использовании персональных данных

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».