«Кеҥеж гай мотор» фотоконкурснам сайтыште иктешлена

Май мучаште тӱҥалме конкурсна утыр ылыжеш. Кӧн верч кумылда ӱжеш, тудын верч йӱклен кертыда!

Олег РОЙ, руш писатель, психолог тыге каласен: «Айдемын ийготшым тӱрлӧ семын палаш лиеш. Паспортышто возымо почеш, кап-кылым да тӱжвал тӱсым ончен, а эше койыш-шоктышым (психологический состоянийым) эскерен… Психологий ден характер ийготлан кӧра утыжым огыт вашталт. А тазалык, кӧргӧ шижмаш ий-влак эртыме дене шкешт нерген ушештарат. Но айдемын интеллектше, илышыште могай лийшашыже изинекак, йоча жапыште, манаш лиеш, негызлалтыт. Еҥын кӧргӧ тӱняже поян гын, тудын пелен эре сай да оҥай - кеч латкум ияш, кеч индешле ияш лийже. Да мӧҥгешла: самырыкнек уш-акылым погышо да кумылым савырыше лийын от шу гын, пӱрымаш ийгот дене сай могырыш вашталташ шагал йӧным кода».

Писательын ушан ойжо-влакым тудын книгажым лудаш йӧратыше Наталья Кайниева цитата семын возен луктын да мыланнат редакцийыш колтен. Тидын дене келшыде ок лий. Чынак, айдемын могай улмыжым ончен, илыш йогын кажным шке семынже пӱтыралеш. Кеч ӱчаше, кеч торешлане… Изинек шке чонышкет пошышто кучылтмо гай шикшаҥше мекшым шыҥдарен кушкат гын, варажым тыйын кӧргыштет самоварысе шолгымын ойыпшо гай тул ылыжын ок керт. Тидын нерген «Кеҥеж гай мотор» конкурсыш ӱдыр-влакын колтымо фотоштат ушештарат. Изи гына ӱдыр-влакын, кугурак ийготаныштынат шкеныштын тӱсыштын, чиемыштын мотор улмыштым веле огыл, кумылыштым, чоныштым почын ончыкташ тыршымышт шижалтеш. Тыгеракын нуно пӱртӱсын, шке йырысе моторлыкын айдемылан кӱлешан улмыжым, тудын кӧргӧ тӱняжлан волгыдым, поро койыш-шоктышым, ласка кумылым пӧлеклыше поянлык семын аклат. Конкурсын темыжлан лач тыгай шӱлышым пуаш тыршенна ыле. Конкурсант-влак тидым умылат да мемнам куандарат.

А ийгот шотышто… Моторлык кажнын шке умылымашыж деч шога. Кажне ийготын - шке моторлыкшо. Илышым сылнештарен моштена гын, шкежат ӱмырна мучко мотор лийына.

Конкурснам умбакыже шуена. Кызыт икымше тур семын эрта. Вара, «Вконтакте» соцлаштыкыште эн шуко «лайкым» погышо-влак кокла гыч лу ӱдырым ойырен налын, кокымшо турыш куснена. Конкурсым иктешлыме йӱклымаш газетын сайтыштыже лиеш. Тушто эн шуко йӱкым погышо ӱдырлан «Кеҥеж гай мотор» лӱмым пуэна да пӧлек дене палемдена.

Читайте нас:

Новости партнеров

Владимир Путин поздравил жителей Башкирии и её столицы с 450-летием Уфы

Владимир Путин менән Радий Хәбиров эш осрашыуы үткәрҙе

"Спорт - милләтара диалог һәм тынычлыкны ныгыту коралы"

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».