Шуко оҥай йомакым возеныт

Сентябрь мучаште школышто тунемше икшыве-влаклан художник Н. Фурсован сӱретше негызеш куголя ден игыже-влак нерген йомакым возымо конкурсым увертаренна ыле. Ӱдыр-рвезе-влаклан шке мастарлыкыштым терген ончаш оҥай лиеш манын шонышна.

Конкурсыш шуко-шуко тунемше ушныш манын огына керт - чылаже латкум серышым нална. Мемнан ойнам эн ончыч Чорай селасе Яныш Ялкайн лӱмеш гимназийын кокла класслаштыже тунемше-влак тӱшкан авалтышт (Ты сомылым тарватен колтышо туныктышышт А.Л. Юзукбаевалан кугу тау). Вара ты районысо Ардаш, Тымбай, Караидель районысо Ӱткӱстӧ школла гыч икмыняр пашам колтышт.

Чумыр ончымаште, икшыве-влакын возымо йомакышт мыланнат келшыш: оҥай сюжетым кычал муын, шке йырым-йырысе вер-шӧр да илыш дене кылден, илышлан туныктымо, порылыкым, келшымашым, ваш-ваш полшымым моктымо татым шыҥдарен, ойым чоҥен, шонымым каласен моштымо дене кумылым савырышт. Тидлан кажне ӱдыр-рвезым посна мокталтыме шуэш.

Конкурсым увертарымек, сай паша-влакымат ойырышаш улына. Тыштыже йомакым возымо годым тӱҥ йодмашым - содержанийын сӱрет дене келшымыжым шотыш налынна. Ӱдыр-рвезе-влакын колтымо йомакыштым тӱткын лудын, тӱрлӧ велым аклен, тыгайрак иктешлымашым ыштена. Икымше вер дене Эльвина АПЛЕКАЕВАН (Караидель район, Ӱткӱстӧ школ), кокымшо дене Лада КУТЛУБАЕВАН (Мишкан район, Чорай гимназий), кумшо дене Кирилл ЗАЙНИТДИНОВЫН (Мишкан район, Тымбай школ) пашаштым палемдена.

Йомак конкурсыш ушнышо-влаклан пӧлекым налаш самырык художник Н. Фурсова полшен. Тудланат пеш кугу таум ойлена да ончыкыжат мастарлыкым шуарен толаш, тӱҥалме пашажым умбакыже шуяш тыланена!

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».