Куголя ден игыже-влак

Иленыт улмаш куголя ден игыже-влак. Уремыште шыже кече ыле. Куголя пошкудыж деке перемечым кӱэшташ ложашлан кайыш. Игыже-влак малат ыле, садлан нуным пӧртеш кодыш. Авашт лектын кайымеке, ик жап гыч ик коля игыже шорташ тӱҥале. Шортын-шортын, вес коля игым кынелтыш. Вара кумшым, нылымшым, визымшым. Чылан кынельыч, мом ышташ ӧрыныт. «Авийым кычалаш кӱлеш», - темлыш кумшо иге. Чылан келшышт.

Н. Фурсован сӱретше (https://www.instagram.com/fenka_art/).

Пӧртыштӧ кычальыч, ышт му. Уремыш лектыч, а туштыжо мардеж! Коляиге-влак тудын деч пырчат ышт лӱд. Каяш тарванышт. Писын ошкедат. Курык деке миен шуыч. «Ынде ме йомна, умбакыже корным огына пале», - шоналтышт икмынярже. «Айста шелалтына. Те кумытын корно дене кычалыда, ме нылытын чодыраш каена, а кодшыжо, ял мучашыш шуын, кажне пӧртыш пуреда, йодыштыда», - пелештыш иктыже. Тыгай ой дене чылан келшышт.

Коляиге-влак кушто гына ышт кошт, но аваштым ышт му.

Тиде жапыште куголя ложашым налын толеш! Ложашым лугалтен, перемечым ышта. Тамле кочкышым кÿктен луктешат, игыже-влакым кочкаш ÿжаш кая. Ончалеш - нигӧ уке. Пӧрт мучко кычал савырныш, ойгыраш шинче.

Уремыште йӱр оптале. Иге-влак, тамле пушым шижын, шкеак пӧртышт воктеке кудал тольыч. Нуно лавырген пытеныт. Куголя авашт чылаштым, мушкын, кашташ сакалыш.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».