+10 °С
Пылан
Чолман в ВК
DZEN
Чолман в ОК
Чолман Telegram
Все новости
Конкурс!
4 теле 2019, 21:15
«Эй, такмакшат, такмакшат…»
Музиканым шоктен-шоктен, Пурен кайышым пӧлмашке. Олма шӱрган, шоптыр шинчан Уке улмаш пӧлмаште.
Мыйын йолташ тугай ыле,
Гармоньым шокта ыле.
Мые весе ден куштем гын,
Шоктымым чарна ыле.
Музиканет уло мо?
Шокталалмет ок шу мо?
Шинчат онча, кумылет шона,
Кудалтымет ок шу мо?
Музиканын лукешыже
Чинчым кыстырышыч ала?
«Йолташ» манме
йӱкет шоктыш,
Сагынен кычкырышыч ала?
Музиканым шоктен-шоктен,
Ошкыл колтем сер воктен.
Шочшем-влак чыла пелне,
Сагынен муралтен колтем.
Музиканет нелырак гын,
Шке нумалаш полшем.
Душман ойлаш тӱҥалеш гын,
Шке утарен налам.
Читайте нас: