Куголя ден игыже-влак

Мӱндыр-мӱндыр чодыраште лу изи коляиге илен. Конешне, шке гына огыл, куголя ачашт-авашт дене пырля. Кеҥежым уремыште игече мотор годым пыжашыште шинчымышт шуын огыл. Кечыгут изаланыште икте-весым чиоклен поктылыныт, а эн чотшо шылын модаш йӧратеныт. Но ик кечын трук чылан йомыныт - шылыныт! Коляиге-влак эр кочкыш деч вара уремыш лектыч, модаш тӱҥальыч. Но шуко модын ышт керт: кече чот пелтымылан кӧра пеш шокшо лие. Иге-влак ӱшыкрак верыш пурен шинчыч. Каналтыме годым ик игыже тыгерак пелештыш:

- Тыге кечым арам эртараш огеш лий, иктаж-мом шонен муаш кӱлеш.

- Чынак, шинчен гына мо пайда? - чылан тудын дене келшышт.

Коляиге-влак рӱж шонаш пижыч.

- Айста вӱд дене чывылталт модына! - пелештыш иктыже.

- Ура-а-а! - чылан куанышт.

Коляиге-влак шишам, ведрам да моло атым кычалаш тӱҥальыч. Пу левашыште кок шишам верештыч. Пакча гыч ведрам нальыч. Аваштлан кидым рÿзалтен, эҥер дек кудальыч.

Ӱлыш серыште вӱдым темыштат, модаш тӱҥальыч. Модын-модын, шерыштат теме. А вуй ӱмбалне кече тугак шыратен онча. Коляиге-влак вӱдеш йӱштылаш шонен пыштышт. Тыгодым ала-кушеч кугу коя пырыс толын лекте. Иге-шамыч лӱдмышт дене вашкерак вӱдыш тӧрштышт да эҥерын вес серышкыже ийын лектыч. Шойык савырнен ончалмек, нойымымат, шокшымат, лӱдмымат мондышт. Вет тӱҥжӧ нуным пырыс поктен шуын огыл.

Вес серыште йырым-йырысе вер-шӧр палыдыме койо - нуно куш каяшат ӧрыч.

- Вашке кас лиеш, рӱмбалгаш тӱҥалеш, мӧҥгыш-кына корным кузе муына? - йыҥысалтыш ик коляиге.

- Ава ден ачанат йомдарат, кычалыт, - ешарыш весыже.

Тиде пагытыште нуно тура серыште пыжашым оптышо вараксим-влакым ужыч. Нине кайык-влакат пырыс дечак утлен толыныт, очыни. Коклаштышт коляиге-влак дене пырля модшо изи вараксимат лийын улмаш. Икте-весым ужмек, иге-влак моткоч чот йывыртышт. Мо-кузежым каласкален пуымеке, вараксимигын ачаже коляиге-влаклан мӧҥгышт корным ончыктыш.

Куголя ава ден ача игышт мӧҥгышт таза-эсен пӧртыл шумылан нимучашдымын куаненыт, нуным ӧндалын да вӱчкен нальыч. Тургыжланымыштым, вучымыштым тыманмеш мондышт. А коляиге-влак тетла ача-авашт деч мӱндыркӧ огыт кошт.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».