Все новости
Конкурс!
3 Кылме 2019, 18:41

«Эй, такмакшат, такмакшат…»

Курыкышко кӱзышым, Олыкышко волышым. Йӱд пычкемыш лийме дене Тый досетым наҥгайышым.

Ош ялукым налын пуэм,
Чокыло да пид айда.
Ик арнялан досем пуэм,
Шӱдыркален кошт айда.

Ош ялукым пидынат да,
Мотор коям, шонет мо?
Ик-кок кастен каенат да,
Досан улам, шонет мо?

Ош тувырым чийымет годым
Ит лук заҥгар шокшетым.
Ит йӱлалтаре шӱметым,
Варвыр ом пу досетым.

Йолыштемже ботинкем
Йылгыжеш вет, лаковый.
Икте мыйым кудалта гын,
Весе уло готовый.

Куштем ыле, куштем ыле,
Кӱвароҥа тӧр огыл.
Мый тый денет коштам ыле,
Уш-акылет тӧр огыл.

Ал ялукым, сар ялукым
Пид, тӱсетлан келша гын.
Тыйын досет мыйын кидыште,
Тол - шупшын нал, кертат гын.

Ал пытен гын, кӱрен уло
Мишканыште лапкыште.
Тый от кошт гын, весе уло,
Пытен огыл элыште.

Ломбо пеледеш кӱшнӧ,
Налаш кидет огеш шу.
Ынде тыйын весе уло,
Мыйым ужмет огеш шу.

Музиканет неле гын,
Кондо, шке нумалам.
Кудалте, йолташ, досетым,
Шке кошташ тӱҥалам.

Тений шудо солыде кодым,
Орва шудылан ишанен.
Тений дос деч посна кодым,
Тошто дослан ишанен.

Ик ош шовыч, вес ош шовыч,
Покшелныже пеледыш.
Игылт коштыч, воштыл коштыч,
Весым ом му, шонышыч.

Тений ыштыме пӧртемым
Обшивать ыштем гызыт.
Тений дос ден ом кошт маньым,
Отдыхать ыштем гызыт.

Шем шинча угылетым,
Пӱтыралам шӱетым.
Ожно шуко ялындарышыч,
Ынде ялындарем шкендым.

Ялукет ден ит моктане,
Ен деч кодшым пидынат.
Досет дене ит моктане,
Еҥ деч кодшым муынат.

Досемын досыжо шуко,
Кандашымшыже мые.
Досем коштеш черет дене,
Таче черет мыланем.

Уфа олаш миеда гын,
Мемнан дек пурен лекса.
Аракана огеш лий гын,
Чайым йӱктен колтена.

Уфа олаш мием майым,
Уфа олам вӱд налын.
Телеграммым чӱчам ыле,
Телефон меҥгышт йӱлен.

Памаш ялыш каена да
Кугу пӧртым ыштена.
Олым тӱшак, пун мындереш
Почаҥылын малена.

Ой, могае интерес,
Комбо шинчын издереш.
Тидым ужын, коммун вате
Эрдым кырен воштылеш.

Ош ялукым пиднет да вет,
Лукшым пӱген от мошто.
Тый мый денем коштнет да вет,
Кумылем савырен от мошто.

Ужар шаршудын ӱмбачше
Куржын колтымем шуэш.
Укем годым кӧ ден коштыч?
Тидым палымем шуэш.

Таче кече изарня,
Эрла лиеш кугарня.
Изарня да кугарня,
Досем уке кум арня.

Теҥгечат ик чывем колыш,
Тачат ик чывем колыш.
Ала вигенат каен пытат,
Агытанжат черланен.

Асыра пуршаш, чувар чыве
Возакеш мунчаш тунемын.
Асыра пуршаш, мыйын марий
Шолып кошташ тунемын.

Заҥгар тӱран тарелкаже
Снеге погаш вел йӧра.
Йолташемын йолташыже
Капка чараклан вел йӧра.

Олма пакчаш ида пуро,
Олмам кӱрлын ида нал.
Мыйын шинчаш ида ончо,
Шинча пунда кадырга.

Алемат уло мыйын,
Гӱлемат уло мыйын.
Кӱвар йымалне петырен кодымо
Досемат уло мыйын.

Вӱд кондышашем уло,
Чай шындышашем уло.
Капка воктен досем шога,
Налын пуртышаш уло.

Аракам йӱ, пурам йӱ,
Только руштын ит кае.
Керек-кӧ ден коштат гынат,
Только мыйым ит мондо.
Информация о конкурсе доступна по ссылке

Читайте нас в