Куголя ден игыже-влак

Мӱндыр-мӱндыр чодыраште лу изи коляиге илен. Конешне, шке гына огыл, куголя ачашт-авашт дене пырля. Кеҥежым уремыште игече мотор годым пыжашыште шинчымышт шуын огыл. Кечыгут изаланыште икте-весым чиоклен поктылыныт, а эн чотшо шылын модаш йöратеныт. Но ик кечын трук чылан йомыныт - шылыныт! Шылашыжак шонен огытыл, конешне. Но трук уригым ужыныт да йодыныт:

Н. Фурсован сӱретше (instagram.com/fenka_art/).

- Тый мемнан дене экскурсийыш кает?

- Кушко?

- Экскурсийыш!

- Ом пале, мылам авай деч йодаш кÿлеш, - манын уриге.

- Молан йодын кошташ? Тыгак каена, меат ышна йод.

- А тыге лиеш мо?

- Лиеш! Лиеш!

- Ну, тугеже ошкылына веле, вет мый нигунам экскурсийыш миен омыл.

Кенета йӱр шоптыр оптале. Коляиге-влак куш пурашат ӧрыч. Лӱдын нюслаш тÿҥальыч. А уриге писын гына пушеҥгыште кӧргашым муо да коляиге-влакымат пырля шылаш ӱжӧ.

Ик пагыт гыч йÿр чарныш. Ур ден коляиге-влак тӧрштыл модаш тÿҥальыч. Кенета ик коляигыже лавыраш пижын шинче. Молышт тудым утараш пижыч. Чыланат, лавырген пытен, мöҥгышт кайышт. А тушто нуным куголя авашт вучен.

- Кушко мийышда? Молан мый дечем йодын огыдал? Тыге лектын каяш лиеш мо? - йодо нунын деч.

- Ме экскурсийыш мийышна, - коляиге-влак вуйыштым сакышт.

- Могай экскурсий? Лавырген пытендас!

- Авай, тетла ме йодде огына кай, - маньыч нуно.

Аваже коляиге-влакым вÿдеш мушко, кашташке кошкаш сакалыш.

Тыге коляиге-влак шкаланышт иктешлымашым ыштышт: ача-ава деч йодде, пыжаш деч торашке кайыман огыл.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».