Эй, такмакшат, такмакшат...

Такмак момат ок каласе, тидлан сырышаш уке Марий-влак ожнысек такмаклен мураш йӧратеныт. Ныл корно полшымо дене мом гына каласаш огеш лий - чон куанымат, шӱлык кумылымат, шыдешкымымат, сотарымымат… А мыскараче кумылан еҥже ойсавыртышыжым туге лыкын-лукын савырал-пӱтырал колта - южгунамже отат пале, ала мӱшкыр кучен воштылаш, ала ӧпкелен шинчаш? Теве тӱрлӧ шотан икмыняр такмакым ончалза-ян.

Эх, такмакем, такмакем,

Окмак таҥем, акмукем…

Мутшым вучен шуктымеш,

Покшым вуешет возеш!

Музиканет олян шокта,

Парняэт шумо ала?

Йори гына каласышым,

Катырет кодо ала?

Шопке лышташ козыра,

Тумо лышташ лоптыра.

Пошкудемын ӱдыржӧ

Кӱчык, коя, лоптыра.

А шкеже могай оҥай, мыскара такмак-влакым шарнеда? «Чолманыш» возен колтыза - у конкурснам тӱҥалына веле. Сеҥышыжым эн шуэн колмо такмакым колтышо-влак кокла гыч ойырена да пӧлек шотеш декабрь тӱҥалтыште эртарыме Марий тӱвыра фестивальышкына кок ӱжмашым кучыктена.

Лудшына-влакын возен колтымо чыла такмакым газетеш савыктен огына керт, садлан нуным «Чолманын» Интернетысе сайтыштыже (cholman.rbsmi.ru) «Конкурс» рубрикеш вераҥдена.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».