Кӧ эн мотор, кушто тудым ужаш лиеш?

«Кеҥежын мотор ӱдыржӧ» конкурсым иктешлыме марте жап шуко кодын огыл. Но тидлан лудшо-влакынат шонымыштым, ойыштым, темлымыштым палыме шуэш. Кызыт газетын vk.com/cholman лаштыкыштыже (Контактыште) иктешлымаш йӱклымашым эртарена. Тушко пурен, кеҥеж мучко савыктыме фото-влак гыч шканда келшыше мотор ӱдырлан йӱкдам пуэн кертыда. Редакцийышкат возен колташ ([email protected]) але йыҥгырташ лиеш (8 -34783-70797). Конкурсышто сеҥыше-влаклан дипломым, медальым да пӧлекым 7 декабрьыште Нефтекамск оласе тӱвыра рӱдерыште эртыше Регион-влак кокласе марий тӱвыра фестивальыште кучыктена.