«Кеҥежын мотор ӱдыржӧ-2018» фотоконкурс

Ты конкурсым теният увертарена. Олыкышто, чодыра лоҥгаште, сад-пакчаште да сурт сомыл коклаште снимкым ыштен, редакцийыш колтен кертыда. Айдемын моторлыкшым чурий тӱс веле огыл, чон поянлыкше, пӱсӧ уш-акылже, койыш-шоктышыжат палдарат. Садлан конкурсант-влакым шкешт нерген изишак каласкалаш йодына: кӧ (тунемыда, пашам ыштеда), кушеч, мыняр ияш улыда, хоббида могай. Иктешлымашым ӱмашсе гаяк шыжым ыштена. Сеҥыше-влаклан пӧлекым, медальым да дипломым Регион-влак кокласе V марий фестивальыште кучыктена. Конкурсышто вийыштым тергаш шонышо ӱдыр-влак 25 ий деч кугурак лийшаш огытыл. Фотом редакцийын «ВКонтакте» vk.com/cholman лаштыкышкыже але электрон адресыш колтыман: [email protected].