+11 °С
Облачно
Каналтыме годым
13 Сентября , 10:53
Телылан ямдылалтына
Тӱрлӧ пакчасаска гыч ямдылыме тиде салатым «Охотничий» манын лӱмденыт. Тудым рецептыште ончыктымо ингредиентын пел кугытшо гычат ямдылаш лиеш. Чыла пакчасаскам пел кило дене кучылташ гын, 4 литр наре салат лектеш.
Л. Григорьеван фотожо.
«ЧОЛМАН» ГАЗЕТЫМ МАX-ЫШТЕ ЛУДЫНА!
Кӱлеш: 1 кило ковышта, 1 кило кешыр, 1 кило кияр, 1 кило болгар пурыс, 1 кило шоган, кум кило помидор, 200 г сакыр, 90 г шинчал, 250 мл кушкыл ӱй, 150 мл 9 процентан уксус, пурса гай 10 пырче шем пурыс, 6 лавр лышташ.
Ковыштам тыгыдын, кешыр ден киярын йыргешкын, пурысым торешла вичкыжын, шоганым пел оҥго гай, помидорым ужашын пӱчкедыман. Кугу каструльыш кушкыл ӱйын пелыжым пыштыман, лончо дене пакчасаскам - ондак кешырым, вара ковыштам, шоганым, киярым, болгар пурысым да эн пытартышлан помидорым - оптыман. Ӱмбакышт кодшо кушкыл ӱйым пыштыман. Изирак тулыш ырыкташ шындыман. 15 минут гыч, пакчасаска изиш «шинчын», шолаш тӱҥалме йӱк шоктымеке, салатыш сакырым, шинчалым шавалтыман, специйым пыштыман да чыла сайын пудыратыман. Шолаш тӱҥалмеке, уксусым опталман, каструльым петыртыш дене леведман. Уксусым пыштымеке, эше вич минут шолтыман. Ямде салатым стерилизоватлыме банкылаш темкалыман да калай петыртыш дене петырыман. Унчыливуя савырен, шокшо шовыч дене леведман.
