Шочмо-кушмо эл нерген такмак-влак

Ал саскаже, гӱл саскаже

Куралдыме аҥаште.

Могай ямле, могай ракат

Шочмо-кушмо элыште!

Ӱлыл мучаш, кӱшыл мучаш.

Молан ямле ты мучаш?

Ямле лийде, могай лиеш

Шочын-кушмо ты мучаш?

Йыраҥ ӱмбал маке гае

Шочын-кушкын улына.

Шочмо-кушмо элыштына

Веселитлен илена.

Кӱшнӧ-кӱшнӧ каваштыже

Самолётшо огыл мо?

Ямле Башкир кундемыште

Ме илена огыл мо?

Кӱкшӧ курык вуйышкыжо

Айста пырля кӱзена.

Шочмо-кушмо элыштына

Айста пырля илена.