Вес элысе кочкыш гай пареҥге

Еҥ ончылно шинчыше кугу тарелкыш шылым пыштат, ӱмбакыже тӱрлӧ приправым, шинчалым шават. Вара тулым пижыктат, икмыняр жап йӱлымеке, тудым кочкаш лиеш. 

Тидым ужын, пелашем ойла: 

- Айда шокшо элыш канаш каена, меат тыге ыштыме кочкышым налын кочкына. 

- Мый эрлак тылат тыге ыштыме кочкышым пукшем. Шыл олмеш икмыняр пареҥгым мушкам да тулыш шолем, вара шинчалеш тушкен кочкына. Теве тылат «экзотика» кочкыш, шокшо элышкат каяш ок кӱл.