Пареҥгын пайдаже

Ойлымыжым колыштымат, шуко шонен шым шого, ушан чурийым ыштышым да, врач омыл гынат, тыгай каҥашым пуышым: «Шелыштме пареҥгым шолтен коч, чыла эмла. Икмыняр кече гыч лектышыжым каласет».

Кызыт, кевытыш каен, шонымо семын тӱрлӧ фруктым, кампеткым налын кочкаш лиеш. А мемнан изина годым кампеткат кугече пайремлан гына логалын. Руш манмыла, эре «картошка жареный, пареный, вареный» лийын. А ӱстембаке пеле гыч шелме  пареҥгым конден шындат, тудым ӱйыш тушкен кочкат гын, эн тамлыже нимат лийын огыл. Шӱрым але пареҥгым кочде, мӱшкыр ок тем. Пареҥгын пайдаже пеш шуко, шындаш да ончаш гына ида ӧркане.