Лотерейын кечыже

24 февральыште лотерейын кечыжым палемдат. Лач тиде кечын 1466 ийыште Европышто икымше лотерей билет модыш эртен. Тудым Брюгге (Бельгия) олаште нидерланд художник Ян ван Эйкын ватыже эртарен.  Лотерей модыш пелашыжын колымыжлан 25 ий эртымылан пӧлеклалтын. Оксажым тӱҥ шотышто оласе нужна-влаклан пуэн, изи ужашыжым гына шкаланже коден. 

«Лотерей билет» шомак франк йылме гыч шочын. Ондак тудым «шерева» манын кусареныт гын, варажым англичан йылме дене кучылтыныт да тудым «ужаш» манын ончыктеныт. Лотерей билет дене модын, 1520-1532 ийлаште Францийын корольжо кугыжаныш бюджетым пойдарен. Тыге лотерейым кучылтмаш 1892 ийыште Российлан эн йӧсӧ пагытым илен лекташ полшен. А 1914 ийыште лотерей билет оксам сусыргышо-влаклан полшаш погеныт.