9 февраль - Стоматологын кечыже

Ӱмыр мучко организм 25000 литр шӱвылвӱдым ышта, тиде кок бассейным темаш сита.

Эн шергакан пӱй Исаак Ньютонын лийын. 1816 ийыште Лондонышто тудын ик пӱйжӧ, кызытсе окса дене таҥастарымаште, 35700 долларлан ужалалтын. Варажым тудым шергашыш шергакан кӱ семын шынденыт. 

Мландывалне эн кугу канде китын пӱйжӧ уке. А улиткын умшаштыже 25000 утла пӱй уло.

Жираф-влак айдеме семынак 32 пӱян улыт. Нунын пӱйышт оҥылашлушто гына верланен. 

Индийыште пӱйым уремыште эмлат. Больницыште пӱйым эмлаш 1000 рупий (17 доллар) кӱлеш гын, уремыште эмлыше-влак 100 рупийлан гына эмлат. Тиде 2 доллар деч шагалрак. Шукыж годым уремыште врач-влаклан полшышо-влак пашам ыштат.