Японийыште У ийым икымше январьыште палемдат. Шагат кыраш тӱҥалме годым нуно йӱкын воштылыт, тидыже вес ийыште пиалан лиймым ончыкта. У ий йӱдым шӱдӧ кандаш гана храмысе чаҥым перат.
Эфиопийыште У ий сентябрь кыдалне эрта. Пайрем деч ончыч йӱдым чыланат эҥерыште йӱштылыт, тошто ийысе чыла нелылыкым «мушкын колтат». Тиддеч вара тулото йыр куштат.
Китайыште У ийлан уремым тӱрлӧ тӱсан лампа дене сӧрастарат. Тидыже у ийыш корным волгалтарымым ончыкта. Тыгак икте-весылан тыланымашым сӧрымӧ годым вӱд дене чывылтат, садлан тиде кечын чылан урем мучко нӧрышӧ коштыт.
Грецийыште латкок шагатлан кугырак еҥ, сурт гыч лектын, гранатым шолен пудыртышаш. Тудын тушыжо-влак кудывече мучко шаланат гын, шушаш ийыште еш пиалан илаш тӱҥалеш.
Кубаште У ий деч ончыч бокалым вӱд дене темат, а шагат латкок гана перымек, тиде вӱдым окна гоч луктын кышкалыт. Тиде ий сайын эртымым да икте-весылан шушаш идалык вӱд гай яндар лийже манмым ончыкта.