Пӱйышт ӱмыр мучко кушкеш.
Кешыр - кролик-влакын тӱҥ кочкышышт огыл. Тушто сакыр шуко, садлан тудым нунылан пайрем годым гына пуаш лиеш. Тӱҥ кочкышышт - ужар да кукшо шудо.
Кролик-влак пеш писе улыт. Шагатлан 48 километр марте кудалын, 3 метр кужытыш да 1 метр кӱкшытыш тӧрштен кертыт.
Кролик-влак пырыс гаяк мушкылтыт.
Чот лӱдмышт годым нуно колен кертыт.
Кролик-влак почылтшо шинча денат малат.
Южышт удан огыл пушеҥгыш кӱзен кертыт.
Кролик-влак тӱрлӧ тӱсан лийыт. Зоолог-влак 150 наре тӱсым шотлат.